एकादशी मेलामा लायन्सद्धारा निशुल्क मिनरल वाटर प्रदान
दुलेगौंडा, २७ कार्तिक ।
ठूलो एकादशीको अवसरमा लागेको मेलामा शुक्लागण्डकी र भिमादमा लायन्स क्लबले भक्तजनलाई निशुल्क खोपानी पानी वितरण गरेको छ । मंगलवार शुक्लागण्डकी–४ र ८ को संगमस्थल पुल्चोकमा तीन हजार बोत्तल र भिमादमा २ हजार गरी ५ हजार बोत्तल मिनरल वाटर वितरण गरिएको लायन्सका रिजन चियर पर्सन सुमन सापकोटाले जानकारी दिए ।
लायन्स क्लब अफ शुक्लागण्डकी, लायन्स क्लब अफ दुलेगौंडा खैरेनीटार सिटी, लायन्स क्लब अफ तनहुँ शुक्लागण्डकी टाउन, लायन्स क्लब अफ बेलचौंतारा टाउन, लायनस क्लब अफ भिमाद ग्रीन सिटी र लायन्स क्लब अफ भिमाद ग्रीन भ्यालीको संयुक्त आयोजनामा निःशुल्क खानेपानी वितरण गरिएको हो । लायन्सले गत वर्षपनि पुल्चोक क्षेत्रमा निशुल्क पानी वितरण गरेको थियो । साथै सोहि अवसरमा ३ सय ५० जनाको निशुल्क रक्तचाप र सुगर परिक्षण गरिएको थियो ।
प्रतिकृया दिनुहोस