शुक्लागण्डकी नगर उद्योग वाणिज्य संघ वडा व्यवस्थापन समितिको सपथ
दुलेगौंडा, १४ कार्तिक ।
शुक्लागण्डकी नगर उद्योग वाणिज्य संघ वडा व्यवस्थापन समिति वडा नं. ४ का पदाधिकारी र सदस्यहरुको सपथ ग्रहण गरिएको छ । मंगलवार दुलेगौंडामा आयोजित कार्यक्रममा वडा व्यवस्थापन समितिका अध्यक्ष बालकृष्ण विकले पदाधिकारी र सस्यहरुलाई सपथ ग्रहण गराएका हुन् । कार्यक्रममा बोल्दै शुक्लागण्डकी नगरपालिका वडा नं. ४ का अध्यक्ष राजकुमार वाग्लेले आफू पनि व्यवसायिक हक हितकोलागि पहिलेदेखिनै संस्थामा आवद्ध हुदै आएको बताउदै बजार व्यवस्थापनको कार्यमा सोचेजति कार्य गर्न नसकेको उल्लेख गरे । शुक्लागण्डकी नगर उद्योग वाणिज्य संघका संस्थापक अध्यक्ष वशन्त ज्वारचनले पाएको जिम्मेवारी अनुसार काम गरे मात्र समिति सफल हुने बताउदै काममा लाग्न आग्रह गरे । शुक्लागण्डकी नगर उद्योग वाणिज्य संघका अध्यक्ष समुन्द्रराम श्रेष्ठले वडा व्यवस्थापन समितिले आफ्नो योजना बनाएर कार्य गर्न सुझाव दिए । वडा व्यवस्थापन समितिका सभापति बालकृष्ण विकको अध्यक्षतामा भएको कार्यक्रममा बरिष्ठ उपाध्यक्ष सुमन सापकोटा, महासचिव सुजन श्रेष्ठ, उपमहासचिव विर्सना श्रेष्ठ, वडा व्यवस्थापन समितिका उपसभापति सुविल श्रेष्ठ, सचिव उपेन्द्रलाल श्रेष्ठ लगायतले बोलेका थिए । सोहि अवसरमा पदाधिकारी र सदस्यहरुलाई परिचय पत्र वितरण गरिएको थियो ।
प्रतिकृया दिनुहोस