दुलेगौंडा खानेपानीको अध्यक्षमा राजुराम
दुलेगौंडा, १३ असोज ।
दुलेगौंडा खानेपानी तथा सरसफाई उपभोक्ता समिति दुलेगौंडाको १० औं वार्षिक साधारणसभा एवम् पाँचौं अधिवेशनबाट राजुराम श्रेष्ठ अध्यक्षमा सर्वसम्मत निर्वाचित भएका छन् । अध्यक्षका प्रत्यासी सरस्वती सिग्देल पछि हटेपछि सर्वसम्मत भएको हो । शनिवार शुरु अधिवेशन समय अभाव र सहमतिकोलागि भन्दै आइतवारकोलागि सारिएको थियो । दिनभरको छलफलपछि श्रेष्ठ सर्वसम्मत भएका हुन् । उपाध्यक्षमा मिठु थापा, सचिवमा जगदिश गौतम र कोषाध्यक्षमा क्या। बेल बहादुर श्रेष्ठ सर्वसम्मत भए । सदस्यहरुमा अमृत श्रेष्ठ, राजकुमार श्रेष्ठ, रमेश श्रेष्ठ, थल माया गुरुङ र शर्मिला श्रेष्ठ रहेका छन् । लेखा समिति संयोजकमा ज्ञानारायण श्रेष्ठ र सदस्यहरुमा आनन्द सुन्दर श्रेष्ठ र थमन बहादुर खत्री चयन भए । समितिको कार्यकाल तीन वर्षको हुने छ । पदमलाल लामिछाने संयोजक र सदस्यहरु शिव कुमार श्रेष्ठ र रस्सामाया गुरुङ रहेको निर्वाचन समितिले निर्वाचन सम्पन्न गरेको हो । खानेपानीमा हाल ८ सय ९८ उपभोक्ता छन् ।
प्रतिकृया दिनुहोस