शुक्लागण्डकी महिला उद्यमी विकास समितिमा मनिषा निर्वाचित
दुलेगौंडा, १३ असोज । शुक्लागण्डकी नगर उद्योग वाणिज्य संघ महिला उद्यमी विकास समितिको सभापतिमा मनिषा वि.क. निर्वाचित भएकी छिन् ।
आइतवार साँझ सकिएको मतगणनामा अध्यक्षका प्रत्यासी लक्ष्मी थापा पौडेललाई १७ मतले हराउदै मनिषा निर्वाचित भएकी हुन् । मनिषाले १ सय २ मत ल्याइन् । यसैगरी उपसभपतिमा सरस्वती पोख्रेल निर्वाचित भइन् । प्रतिष्पर्धी सपना पराजुलीलाई १४ मतको अन्तरले पराजित गर्दै पोख्रेल निर्वाचित भएकी हुन् । पोख्रेलले १ सय २ मत ल्याइन् । आइतवार भएको मतदानमा कुल ३ सय ९४ मतमध्य २ सय ३ मत खसेको निर्वाचन समिति संयोजक विर्सना श्रेष्ठले जानकारी दिइन् । निर्वाचन समिति सदस्यहरुमा वशन्ता श्रेष्ठ र तुलसा श्रेष्ठ रहेका छन् । शनिवार सर्वसम्मत हुन नसकेपछि आइतवार मतदान भएको हो ।
प्रतिकृया दिनुहोस