शुक्लागण्डकी महिला उद्यमीको मतदानमा २ सय ३ मत खस्यो, एक घण्टामा मतगणना सकिने
दुलेगौंडा, १२ असोज । शुक्लागण्डकी नगर उद्योग वाणिज्य संघ महिला उद्यमी विकास समितिको नयाँ नेतृत्वकोलागि आइतवार भएको मतदानमा २ सय ३ मत खसेको छ । कुल २ सय ९४ मत मध्य सो संख्यामा मत खसेको निर्वाचन समिति संयोजक विर्सना श्रेष्ठले जानकारी दिईन् । उनका अनुसार मतगणना शुरु भएको छ । मतगणना करिव १ घण्टामा सकिने छ ।
समितिको नेतृत्वकोलागि मनिषा विक र लक्ष्मी थापा पौडेल चुनावी मैदानमा छन् । मनिषा हाल बरिष्ठ उपसभापति र लक्ष्मी उपसभापति हुन् । बरिष्ठ उपसभापतिमा सरस्वती पोख्रेल र सपना सिग्देलबीच प्रतिष्पर्धा भएको छ । समितिको अन्य पदमा भने सर्वसम्मत भइसकेको छ । निर्वाचन समिति सदस्यहरुमा वशन्ता श्रेष्ठ र तुलसा श्रेष्ठ रहेका छन् । शनिवार सर्वसम्मत हुन नसकेपछि आइतवार अधिवेशन गरिएको हो ।
प्रतिकृया दिनुहोस