हाजिरीजवाफ प्रतियोगितामा लिटिल गार्डेन प्रथम
दुलेगौंडा, ९ असोज । लायन्स क्लव अफ तनहुँ शुक्लागण्डकी टाउनले आयोजना गरेको हाजिरीजवाफ प्रतियोगितामा लिटिल गार्डेन इङ्लीस बोर्डिङ स्कुल प्रथम भएको छ । दुलेगौंडामा मंगलवार सम्पन्न भएको शुक्लागण्डकी नगरस्तरीय अन्तर मावि हाजिरीवाफ प्रतियोगितामा छब्दी मावि द्धितीय र आधारभुत मावि तृतीय भयो । पञ्चमुनिदेव मावि सान्त्वना हुन सफल भयो । प्रतियोगितामा प्रथम, द्धितीय, तृतीय र सान्त्वना हुनेले क्रमशः ४ हजार ५ सय, ३ हजार, १ हजार ५ सय र ५ सय रुपैया साथमा मेडल र प्रमाणपत्र प्राप्त गरे । प्रतियोगितामा १९ विद्यालयको सहभागिता रहेको थियो ।उनीहरुलाई शुक्लागण्डकी नगरपालिका शिक्षा तथा खेलकुद शाखा प्रमुख नवराज चापागाई र क्लव अध्यक्ष देवीभक्त रानाले पुरस्कार प्रदान गरेका थिए । क्लव अध्यक्ष देवीभक्त रानाको अध्यक्षतामा भएको कार्यक्रमममा शिक्षा शाखा प्रमुख चापागाई, क्लवका संस्थापक अध्यक्ष दुर्गा कुमार श्रेष्ठ, सचिव रुपक मल्ल, सदस्य राजेश पाण्डे लगायतले बोलेका थिए ।
प्रतिकृया दिनुहोस